చేవేళ్ల మండలం మీర్జాగూడ ఆర్టీసీ బస్సు ప్రమాదంలో మృతుల కుటుంబాలతో పాటు ప్రమాదంలో గాయపడిన క్షతగాత్రులకు కూడా తెలంగాణ ప్రభుత్వం అండగా నిలుస్తోందని తాండూరు ఎమ్మెల్యే మనోహర్ రెడ్డి అన్నారు. 2న చేవెళ్ల వద్ద ఆర్టీసీ బస్సు ప్రమాదంలో 19 మంది మృతి చెందగా.. 50 మందికి పైగా గాయపడ్డారు.
మృతి చెందిన వారిలో 13 మంది తాండూరు నియోజకవర్గానికి చెందిన వారు ఉన్నారు. మృతులకు ప్రభుత్వం నుంచి రూ. 5లక్షలు, ఆర్టీసీ సంస్థ నుంచి రూ.2 లక్షలు మొత్తం రూ.7 లక్షల చొప్పున పరిహారం అందించిన సంగతి తెలిసిందే. అయితే ప్రమాదంలో గాయపడిన క్షతగాత్రులకు పరిహారం ఇవ్వలేదు. తాజాగా ప్రభుత్వం బాధితులకు ఒక్కొక్కరి చొప్పున రూ.2 లక్షల పరిహారం అందించింది.
దీంతో బుధవారం తాండూరు మండల తహసీల్దార్ పరిహారం చెక్కుల పంపిణీ కార్యక్రమం ఏర్పాటు చేశారు. ఈ జాబితాలో తాండూరు ఎమ్మెల్యే మనోహర్ రెడ్డి సబ్ కలెక్టర్ ఉమా శంకర్ ప్రసాద్తో కలిసి హాజరైన వారి చేతుల మీదుగా క్షతగాత్రులకు, కుటుంబ సభ్యులకు పరిహారం చెక్కలను అందించారు. ఒక్కొక్కరికి రూ.2 లక్షల చొప్పున 10 మంది క్షతగాత్రులకు రూ.20 లక్షల పరిహారం అందించారు. ఈ సందర్భంగా ఎమ్మెల్యే మనోహర్ రెడ్డి మాట్లాడుతూ ఆర్టీసీ బస్సు ప్రమాదంలో మృతి చెందిన కుటుంబాలకు, క్షతగాత్రులకు ప్రభుత్వం రోజుల్లోనే పరిహారం అందించి అండగా నిలిచి ఉంది. సీఎం రేవంత్ రెడ్డి ప్రత్యేక చొరవ చూపించారని అన్నారు.
గత పాలకులు బస్సు ప్రమాదాలలో బాధితులకు ఏండ్లు గడుస్తున్నా పరిహారం అందించలేకపోయిందని అన్నారు. ఇప్పుడు ప్రతిపక్షాలు ఎక్కువగా ఉన్నాయి. కాంగ్రెస్ ప్రభుత్వం మృతుల కుటుంబాలలో అర్హత కలిగిన వారికి ఉద్యోగ అవకాశాలు కల్పించడం కూడా ముందుకు వస్తోందని అన్నారు. ఈ కార్యక్రమంలో తాండూరు మార్కెట్ కమిటి చైర్మన్ , నాయకులు, అధికారులు ఉన్నారు.
ఆర్టీసీ ప్రమాద బాధితులకు ప్రభుత్వం అండ
